दिन काळा ऐतिहासिक

खूप झाले अन्याय रे

नाही आता सहणार

दडपशाही मोडून

सत्ता ती बदलणार

एल्गार तो क्रांतीचा 

मनी प्रत्येकाच्या झाला

पेट घेऊनी त्या ज्वाला

जनसमूह तो आला

जालियनवाला बाग

टसाटस हो भरली

उद्रेकाची जणू आग

डोळ्यात मग दिसली

धाबेही दणदणाले 

त्या ब्रिटिश सरकारचे

वाटे नाही काही खरे

दिन हे परतण्याचे

मोडून काढू उठाव

झाली घेराबंदी अशी  

चौफेर घेरले त्यांनी

नाही उरे जागा अशी

वर्षाव गोळ्यांचा झाला

धावपळ ती उडाली

जीव घेऊन मुठीत

सैरभैर सारी ती धावली

काही विहिरीत घेई

उडी, जीव वाचेल हो

काही ती गोळी खाऊन 

कुठे कोण वाचला हो

पाणी लाल रंगी दिसे

अस्ताव्यस्त देह सारे

देशासाठी प्राण दिले

वीर होते असे सारे

दिन काळा इतिहास

नाही मिटल्या हो गेला

खूणा ऐतिहासिक रे

जमा जालियनवाला

आठवून आजही रे

भरते डोळ्यात पाणी

नाही विसरणार रे

होते रक्त नाही पाणी