दीपावली
दीपावली
1 min
197
सुरू होते नवे पर्व
नव्या आशा जागवीत
सण येतो एक खास
दीपावली सजवीत
नरकचतुर्थी दिनी
होई अभ्यंगस्नान हे
तेल, उठणे सर्वत्र
सुगंधित करू पाहे
फुलं माळा सजवुनी
होते लक्ष्मीचे पूजन
आगमन होता तिचे
प्रफुल्लित होते मन
पाडव्याच्या मुहूर्ताला
जन खरेदी करिती
धनी देई ओवाळणी
भार्या घास भरवती
भाऊबीज दिनी भावा
ओवाळते बहीण ही
महागड्या भेटवस्तू
मनी अपेक्षाच नाही