Library
धुके
धुके
1 min
7.2K
साचले हे धुके दाट, साजणवाट लोपली ।
स्वकाया गिरिराजाने, गर्दरंगात झाकली ।।
कुंद वारा उभा स्तब्ध, मिठी बेधुंद घातली ।
प्यायली आसमंताने, ही शीतप्रीत चाखली ।।
दवात ओल सांडूनी, रानारानात गोठली ।
हिरे अनंत होऊनी, पानापानात साठली ।।
प्रीती पाशात न्हाऊनी, धरणी चिंब लाजली ।
प्रियकरास चुंबूनी, ही शुभ्रशाल ओढली ।।
नव्याने आस भेटीची, मनात आज जागली ।
निसर्ग-रीत पाहूनी, अपुली प्रीत रंगली ।।
