देव तरी पावतो कुठे...

नाही पडला पाऊस

सरला अर्धा पावसाळा,

देव तरी पावतो कुठे

सांगा नवसाला...

करपून गेलं पिक

धारा लागल्या डोळयाला,

कोरडे आकाश

पूर आसवांचा आला.

  

शेतकरी कसा

पडला धरणीला

आकाशात ढग एक

दिसेना डोळ्याला..

काय होईल, कसे होईल

कोडे हे सुटेना,

दुष्काळ हटेना

जीव हवालदिल झाला..

पेरलेलं गेलं सारं

इलाज नाही कसला,

पाऊस हा रुसला

जीव झुरणीला लागला.

पाणी पाणी करून जाई

फुगटच जीव

कुठे आहे देव

मला दाखवा त्याला..

देवाला तरी कुणाची

दया कशाला येईल,

दुनिया बुडून जाईल

हा चमत्कारच झाला..