दास्य
दास्य
हे पुत्री ,
आर्यकालीन आचारसंहितेवर
आधारलेली तुझी प्रतिमा
डागाळते कधी कधी
प्रतिष्ठीतांचे 'आदर्श'
सांभाळताना......!
हे भगिनी ,
वेदग्रंथ,पुराण, परंपरेच्या
विश्वासाच्या पसाऱ्यात
फुलत राहते आजही
बघ दास्य तुझे
उडतांना........!
हे माते ,
'वेदकालीन स्त्री स्वतंत्र होती'
हे 'मिथ' कवटाळून बसली
आहेस उराशी ,
पण...
'बीज - क्षेत्र-न्याय ' संहितेतील
फक्त 'मादी' तू आजही
जगतांना.....!
हे नारी ,
"पतीचे अनुगमन करावे,
त्याला पूरक व्हावे "
या मूल्यचौकटीत बंदिस्त तू
तुझे संकटात सतीत्व
फुलतांना........!
हे सबले ,
ठरलेल्या ढाच्यातुन
चौकटीला छेदत
आजशी नाते जोडणारी तू
आठवशील का जरा त्या
भूतकालीन सावल्या तुझ्या
'दास्य' झुगारलेल्या..
लढतांना......!