Untitled

 *गझलवृत्त-व्योमगंगा*

*लगावली-गालगागा × 4*

 *वार सारे  झेलण्याला जन्मलेली नार आहे*

 *वादळे अन,संकटांची नित्य झाली हार आहे*

 *ओळखे ती नाटकी ही चाल मोठी माणसाची* 

 *डाव तो हाणून पाडावा असा निर्धार आहे*  

 *सज्ज झाली तोंड देण्या स्वैर झाल्या दुष्टतेला*

 *दुर्जनाला हात दावत, सज्जनांची यार आहे*

 *भान आले वास्तवाचे ,जाणते ती हक्क आता*

 *हीन हेतू दानवाचा आज केला ठार आहे*

 *पांढऱ्या ह्या कागदावरती अमर ते शब्द होता*

 *धाडसाने आज मी मृत्यूस केले पार आहे*

 *प्रेमरंगी रंगताना तोडते 'ती' पाश सारे*

 *गंजलेल्या बंधनांवर मस्त केला वार आहे*

  लतिका चौधरी

  दोंडाईचा, जि. धुळे