चला गड्यानो जागे व्हा

हात जोडून आले

नकटे कारभारी झाले

पडून पाया त्यांच्या

त्यांनाच डोईजड झाले

नाटकी त्यांचे वागणे असे

ओठात एक पोटात वेगळेच

ठोसर भिकारी सगळेच

दाद मागावी कोणाकडे ?

कोरोना महामारी , महापूर

भ्रष्टाचार ,महागाई , बेकारी

संधीसाधू नेते , मुजोर प्रशासक

उदासीन जनता अनाथ दीनवाणी

हेही थोर अन तेही थोर

कोण साव कोण चोर ?

धाय मोकलून कसे रडावे

कळेचना कसे जगावे ?

लोकशाहीचा राजा कफल्लक

संवेदनाहीन निरंकुश सत्ता 

डोमकावळे ,संधीसाधू बगळे

नतमस्तक सारे मीडियावाले

चला गड्यानो जागे व्हा

उघड्या डोळ्यांनी जग पहा

संतवाणी थोडी आठवा

साह्य करू एकमेका ...