हिरवे हिरवे

हिरव्यागार माळरानाचे ,

हिरवेगार स्वप्न,

हिरव्यागार तरुणाईला भेडसावणारा ,

हिरवाच प्रश्न ...

हिरव्या हिरव्या पानातुन झिरपणारा,

हिरवा हिरवा पाऊस ,

थेंबाथेंबातून ओथंबते,

हिरव्या मनातला पाऊस...

हिरवीच रानवाट चालणारे,

हिरवेच पाऊलं ,

जादूई जंगलाची,

हिरवीच चाहूलं ...

हिरव्यागार शेतात डोलणारे,

हिरवे हिरवे पाते,

हिरव्या हिरव्या डोळ्यांत,

हिरवेच नाते ...

हिरवीगार सृष्टी जपणारा ,

हिरवा हिरवा पाऊस,

गालावरच्या खळीला छळणारा,

हिरवाकंच पाऊस...

हिरवी हिरवी चारोळी रचली,

हिरवीगर्द झाली कविता,

कागदावरून सांडू दे खाली,

हिरवीच सरीता ...