चिऊ काऊ
चिऊ काऊ
चिऊ म्हणाली काऊ भाऊ
दोघे बाळाचे आई कडे जाऊ
प्रेमाने जाब विचारु आईला
बाळाला घासं भरते वेळेला
नादी लावायची पूर्वीचे काळी
गोडीने द्यायचीस तू आरोळी
आधी म्हणायची हातावरती
बोटे टेकवत करायची मस्ती
चिऊ चिऊ ये ...
काऊ काऊ ये ...
दाणा खा पाणी पी ...
अनं भुर्र दिशी ऊडून जा ...
आता बाळा खाऊ घालताना
दिसतेस आम्हास विसरताना
मोबाईल देतेस त्यांच्या हाती
सिनेमा गाणे मोठयाने लावती
ते ही संगीतात रममान होतं
ऐकताना ते थोड फार खातं
खाण्यास नकार देता म्हणे तू
खायच असेल तर खा बरं तू
रिकामटेकडी नाही मी खूप कामे आहेत बरं
खायचं तर खा नाही तर खुशाल उपाशी मरं