लाइब्रेरी
प्रोफाइल
चिमणी-बालकविता
चिमणी-बालकविता
1 min
208
एकदा काय झाले
चिमणी खूप फिरली
झाडावरल्या घरट्यात
रात्री जाऊन झोपली
चिमणीचे कुटूंब मोठे
चिमणा आणि पिल्ले
रात्री सारे गोळा झाले
शांत बिनघोर निजले
पहाटेचे चार वाजले
पूर्वला तांबडे फुटले
चिमणा,चिमणी जागे झाले
चिवचिव करून उठवू लागले
भाषा त्यांची आगळी वेगळी
पिल्ले सारी शिकू लागली
शिस्त,संस्कार,संस्कृतीची
शिकवण पिल्लांस मिळाली
पिल्ले आई सोबत उठली
चिवचिव करून जागे झाले
आईसोबत खेळू लागले
चोचीत चोच घालू लागले
चिमणीने संदेश दिला
उठा आता सकाळ होणार
आळस झटका सारे आता
रवि राजाचे आगमान होणार
तसे सारे लवकर उठले
उडण्यासाठी तयार झाले
पंखात त्यांच्या बळ आले
स्वछंदी गगनी उडाले
