छत्रपती शिवाजी महाराज

पोटी जिजाऊ मातेच्या

शिवराजे जन्मा येई

वाजे नगारा, सनई

नगरीत हर्ष होई ||

'श्रीच्या' स्वप्नपूर्तीसाठी

बाजी लावली प्राणाची

गडा फडके भगवा

स्थापनाही स्वराज्याची ||

दऱ्याखोऱ्यातही गुंजे

हर महादेव नारा

होता शिवबाच्या पाठी

मावळ्यांचा गट सारा ||

नसे जाती भेदभाव

असे दीनांचे कैवारी

परनारी मासमान

नसे तोड बाणेदारी ||

वाघ नख्यांनी कोथळा

अफजलखाना फाडी

शक्तीपेक्षा युक्ती श्रेष्ठ

गडा सैनिकास धाडी ||

शिव जयंती उत्सव

आज करितो साजरा

 राजे पुन्हा जन्मा यावे

त्यांना मानाचा मुजरा ||