लाइब्रेरी
प्रोफाइल
बोबडे बोल
बोबडे बोल
1 min
533
बोबडे बोबडे बोल माझे
सारे हसतात मला
पाहून माझी फजिती
सारे चिडवतात मला
बुक मध्ये लायन पाहिला
टीचरला गेलो सांगायला
टीचरला काहीच कळेना
सारे लागले हसायला
घरात कुणाशी बोलायची
सोय नाही सारे फक्त हसतात
बाबा आजी बघतात फक्त
दादा ताई बघ म्हणतात
डोळे माझे भरून येतात
काय करावे समजत नाही?
गुपचूप बसवेना माझ्याकडुन
बोलल्या शिवाय राहवत नाही
काय काय विचारुन विचारुन
सारे फक्त छळतात आई
माझे बोबडे बोल फक्त
तुलाच कसे समजतात आई?
