भुपाळी
भुपाळी
उंच इमारतीच्या मागे , सूर्य उठला ग बाई
आज माझ्या पाडसाला , जाग कां ग येत नाही ।। धृ ।।
आई उठली घरात , पेपर येई दारात
शाळेचीही बेल आता , वाजेल क्षणात
उठ उठ सोन्या आता , गाते तुला मी भुपाळी ।। १ ।।
रिकामी मी नाही कधी , गाठायची ना मला गाडी
तुझ्या डब्या साठी बाळा , बाई करतील भाजी पोळी
आजची ही आहे ममता , आजचीच ही भुपाळी ।। २ ।।
संध्याकाळी घरी येता , मोबाईल माझ्या हाती
वेळ नसे मुळी मला , कशी गाऊ मी रे गाणी
नको त्रास देऊ आता , बोलू आपण कधीकाळी ।। ३ ।।