भले बुरे दिस येती जाती...
भले बुरे दिस येती जाती...
भले बुरे ते घडुनी गेले
क्षण कणभर सुखाचे
दव ओले आसावाचे
दान मनी विसवुनी गेले
सरली गत वर्षाची ती
छाया पसरली जी राती
जरा विसवल्या क्षणात
वेळी जपली ती नाती
विश्वासाची ती नाळ
निसटू पाहत होती
मरणाची ती भीती
अभेद्य वाटत होती
जरा जरा विसावली
नव्या जुन्या विचाराच्या
संगतीस ती भारावली
सरली आयुष्याची नांदी
लिहिणार होते जराशी
व्यथा गेल्या सालाची
जग थांबलेल्या वेळेची
आस ती उद्याच्या युगाची
बोल मनीचे येते ओठी
भविष्याचे स्वप्न नयनी
आशा होई पल्लवीत मनी
घे हे ही क्षण जरा जागुनी