बाप

बापाचा नेहमी रागच येत असतो,

पण बाप हा कोणालाच कळत नसतो

त्याचं फक्त यांना ओरडणं दिसतं,

त्यामागचं त्याचं प्रेम कळत नसतं

वेळेचं बंधन त्यांना नेहमीच तो लादत असतो,

पण स्वतः काळजी करायची काही सोडत नसतो

बाप हा नेहमी तन मनाने झिजतच असतो,

तो सदानकदा लेकरांतच गुरफटत असतो.

देहानं जरी तो दगड असतो,

तरी मनानं मात्र फूलच बनतो

बघ जगून एक दिवस बापाचं आयुष्य,

मग समजंल तुला त्याचं भविष्य...