बाबा

बाबा एक विश्वास आहे 

एक नवा ध्यास आहे आहे

कुटुंबाचा कणा आणि 

सर्वांसाठी तो खास आहे॥१॥

बाहेरून कितीही टणक 

आतून लोण्याचा गोळा आहे

कितीही दुःख सामोरी येत

बाबा आनंदाचा सोहळा आहे॥२॥

संघर्षाच्या युद्धामध्ये 

हिमतीचा पहाड आहे 

जीवन घडविणारा बाबा 

एक संस्काराच बाड आहे॥३॥

लहानपणी आनंदी ठेवणारी

 चालती बोलती बाहुली आहे 

उन्हात चटके सोसू न देणारी 

बाबा आयुष्याची सावली आहे॥४॥

जबाबदाऱ्यांचे ओझे वाहणारा 

संसाररूपी रथाचा सारथी आहे

साऱ्यांना सोबत घेऊन चालणारा 

बाबा कुटुंबाचा महारथी आहे॥५॥