अस्तित्व
अस्तित्व
भयाण अंधकारातून -अजस्त्र बाहू
धारण करून शांततेचा भंग करत
अक्राळ विक्राळ अजस्त्र रुप धारण करून
भयाण हिंस्त्र चित्कार करत
मानवी देह चिरडत
बीभत्सचतेचं किळसवाणं अन ओंगळ रुपडं लेऊन
येवून ठेपलाय तो, ---तो --हो तोच.. अमूर्त असा तो,
जणू असंख्य हाडांचे सापळे रचून
अनगिनत श्वापदानां पोटात रिचवून
जणू शांतपणे पहूडलेला अजगर,
ज्याच्या नजरेच्या विखlरानेच जागच्या जागी थिजणारे मन,
अन निस्त:ब्ध होणारे गात्र,
त्याच्या प्रचंड बाहुपाशात बेदरकारपणे
निपचितपणे पडलेल्या जीवांची आहुती,
चित्कार, हुंकार, किंकाळ्या अन रुदन
चिखल गाळ, माणसांच्या रक्तमांसाचा, अस्तित्वाचा आणिक माणूसकीचाही !
हेच का वास्तव शाश्वत जीवनाचे
की अंतिम सत्य, क्षणभंगुर जीवनाचे !!!
सगळीकडे निरव शांतता, स्मशानशांतता !! केविलवाणी??????
त्यातही --आशेचा एक किरण
अंकुरणाऱ्या जीवाचा ---
सूर्यबिंबाच्या उगवतीचl पहिला किरण
अवकाश निरभ्र करणारा
तन-मनातून झिरपणारा
माणुसकीचा जिवंत झरा
अजस्त्र स्पायरोगायराच्या त्या असंख्य शेपट्या तोडून, चिरडून, रणकंदन माजवून त्या रक्ताच्या थारोळ्यातही
मानवाचा एक -एक श्वास घेण्याचा ध्यास....
अन त्याच रक्तरंजित चिखलातून उगवावं कमळ ! निरभ्रतेच.. निर्व्याज्यतेचं.. अन माणुसकीचं.......
जीवनाच्या अस्तित्वाचं.......
पडाव्यात पायघड्या फुलांच्या
टिकवण्यासाठीच अस्तित्व
तुझं नि माझं....., अन या सृष्टीचं
देण्या संदेश विश्वशांतीचा !!!