असंच होतं ना तुलाही.
असंच होतं ना तुलाही.
समोर आली माझ्या की
काहीच कळत नाही
दूर निघून गेल्यावर मात्र
हृदयाची तळमळ थांबत नाही..
सांग, असंच होतं ना तुलाही...?
आठवण आली तुझी की
मन कासावीस होतं..
तू सोबतीला नाही म्हणून
सारं जग परकं होतं..!
सांग, असंच होतं ना तुलाही..?!
भेट झाल्यावर आपली
भांडण केल्याशिवाय राहत नाही
मात्र दोघां मधील अबोला मग
फार काळ टिकत नाही
सांग, असंच होतं ना तुलाही..?!
माझ्या चेहऱ्यावर हसू
तुझ्या शिवाय खुलत नाही..
मनापासून व्यक्त होण्यासाठी
तुझ्या शिवाय कोणीही नाही..!
सांग, असंच होतं ना तुलाही..?!