Library
अश्रू
अश्रू
1 min
10K
माझे अश्रू पुसणं
नव्हतंच त्यांना शक्य
आणि इच्छाही नव्हती कुणाची
तरीही त्यांनी केला तसा देखावा
कारण माझ्या अश्रूवरच
त्यांना पेटवायचं होतं पाणी
करायचा होता चक्का जाम
द्यायची होती भारत बंदची हाक
जाळपोळ लुटालुट दंगे
सगळं काही चाललं होतं
माझ्या अ़श्रूंचा हवाला ठेवून
अचानक माझ्या अश्रूंचा
इतका पुळका का आलाय त्यांना
हे न समजण्याइतका
मी दुधखुळा तर नाही ना?
