लाइब्रेरी
प्रोफाइल
अक्षरांची पेरणी
अक्षरांची पेरणी
1 min
365
अक्षरांची मी करतोय पेरणी
भ्रष्टाचाराचे तन माजलेल्या
शिक्षणाच्या शेतात …
किती पाणी दिले आजपर्यंत?
घामाच्या पाटातून ……
ज्ञानाचे किती वाफे भिजले?
रोजच राखण करतोय
व्यसनांच्या पाखरांची…
काय सांगावं
आलेलं हातचं पिकही
चिकासहित ओरबाडतील
ध्येयाचे पिक ….
अजून तरी हाती नाही आलं.
वाट पाहतोय
आशा मनात ठेऊन …
जाऊ द्या
आपण मात्र प्रामाणिक शेती करावी
चाकरीचा गडी समजून
कधीतरी देईलच की मालक
बोनस दिवाळीसाठी …
