प्रतिक्षा
प्रतिक्षा
1 min
300
छाटलेल्या हातांना
आता फुटलेत कोवळे हात
ढगांच्या डोळ्यांत
अंजन घालण्यासाठी
सुरकुत्या पडलेल्या
देहावर वारा होतो शिरजोर
तंतुमय मुळंही सोटमुळासोबत
मातीच्या कणाबरोबर
सलगी करून आहेत
पाणी लुटण्यासाठी
अन बोटांना हिरवे
करण्यासाठी
वाढलीय गुंतागुंत
धमन्यांची अधिक
कारण
आभाळाने गर्जना केलीय
वादळवाऱ्याच्या संगतीने
शोषक खोड
उखडून टाकण्याची
प्रतिक्षेत आहे कधीची
माती येथली श्वास रोखून
अमृतधारांत चिंबता चिंबता
स्वतःच्या उदरातून प्रसवते
मोत्यांची रास...
चिमण्यांपाखरांच्या
पोटासाठी