अजून बरसात आहे

निर्मळ तुझे प्रेम वाटे

माझ्या या हदयाला

वाट पहाते मी सख्या

*अजून बरसात आहे*

धुंद ते दिवस होते

बेधुंद त्या रात्रीपण

जीवघेणे तुझे पाहणे

*अजून बरसात आहे*

तुझे ते बहाणे माझे ते हसणे

लाजणे रुसणे

सतवते मला पुन्हा

*अजून बरसात आहे*

माझी मी न राहिले

वेड तुझेच लागले

ध्यास मनी अंतरी

*अजून बरसात आहे*

सख्या तुझवीन मी नाही

प्रीत माझ्या मनोमनी

प्रिय असा तू मजला

*अजून बरसात आहे*