लाइब्रेरी
प्रोफाइल
ऐक बळीराजाची हाक
ऐक बळीराजाची हाक
1 min
264
नाही पीकविमा यंदा
किती काढावेत कर्ज
जीव गेला दमुनिया
रोज करूनिया अर्ज.....!!
नाही शेतमाला भाव
गेली कंबर मोडून
ऐक शासना गाऱ्हाणं
दोन्ही हात रे जोडून....!!
झाले सावकारी कर्ज
नको झाला आता जीव
शेतकरी पोशिंदा तो
कशी नाही येत कीव.....!!
लाईनबील ते अमाप
आता कशानं भरावं
पोरंबाळं जगवावं
की उपाशीच मरावं......!!
साऱ्या जगाचा पोशिंदा
ऐक बळीराजाची हाक
नको करू हेटाळणी
नको रोजचाच धाक.....!!
