अडीच अक्षरे प्रेमाची
अडीच अक्षरे प्रेमाची
अडीच अक्षरे प्रेमाची
आहेतच सगळ्यात न्यारी
आयुष्य सारे नश्वर आहे
म्हणूनच ही अक्षरे प्यारी ||
प्रेम म्हणजे नाही फक्त
हातात हात घालून फिरणं
दूर राहूनही प्रेम म्हणजे
प्रियकराच्या काळजात शिरणं ||
प्रेम म्हणजे खरे तरअसते
आपल्या नशिबाचं लेणं
दूर राहूनही एकमेकांना
प्रेमाने समजून घेणं ||
प्रेम म्हणजे नाही केवळ
शरीर स्पर्शाला भिडणं
प्रेम म्हणजे त्याला येणाऱ्या
संकटाशी अप्रत्यक्ष लढणं ||
प्रेम म्हणजे प्रीयकराला
शेवटच्या श्वासापर्यंत जपणं
प्रेम म्हणजे आठवणींच्या
पावसात मनसोक्त भिजणं ||