आठवणींचा गुंता
आठवणींचा गुंता
1 min
279
मनातल्या आठवणींचा गुंता
सांग सोबतीने कसा मी चालू
छल हा भावनेचा असा ही
सांग किती काळ असा मी साहू
आपलेसे करून दुरावली
जी सावली या मनातली
सांग कुठे शोधु आजही
छबी तुझ्या या मनातली
कितिदा व्यक्त जाहले
भाव माझ्या ही मनातले
व्यक्त काळजीत हरवते
अव्यक्त तुझ्यामाझ्यातले
का उगा सांगून संपायची
भिती उरात या दाटली
क्षणात मनातल्या गोष्टीसवे
व्यथा कवितेत ही मांड़ली