चांदण्या रात्री
चांदण्या रात्री
सखे चांदण्या रात्री तू
आली माझ्या संगतीला |
खुप महत्त्व भेटले
आज नव्या रंगतीला ||१||
उभी आहेत साक्षीला
वृक्ष ढगे आणि तारे |
मंद चंद्र प्रकाशात
वाहे झुळझुळ वारे ||२||
झुळझुळ वाहणारा
वारा करी आम्हा स्पर्श |
मिठी मारण्यात धुंद
मनी बाळगुनी हर्ष ||३||
प्रतिबिंब चांदण्याचे
दिसे तळ्यामध्ये खास |
वाटे जणू खाली आले
प्रेम माझे पाहण्यास ||४||
तुझ्या सागरी डोळ्यांच्या
डोहामध्ये मी बुडलो |
नकळत कधी तुझ्या
बाहुपाशी जखडलो ||५||
प्रेममय संगतीला
मला मिळे नवी साथ |
मग धरी जीवनात
कायमचा तुझा हात ||६||