आता तरी बंद करा

आज पुन्हा तेच घडले 

माणुसकी इथे ओशाळली

दोन वर्षांची गोड चिमुरडी 

अंधश्रद्धेपोटी बळी पडली 

गुप्तधनाच्या विचित्र हव्यासापोटी

ढोंगी मांत्रिक हैवान हो बनला

आयतं घबाड मिळवण्याचा नाद 

एक निष्पाप जीव मात्र गेला 

आजही लोक अंधश्रद्धेपोटी

तारतम्य सोडून वागत आहेत

कष्ट करुन सुखात जगण्यापेक्षा

बळी देऊन पोळी मिळवण्यामागे लागले आहेत 

बळी घेणाऱ्या या नराधमांना 

जागीच पकडून ठेचले पाहिजे

समाजानेही जागृत होऊन या 

वाईट प्रवृत्तीविरुद्ध पेटून उठले पाहिजे

नरबळी देऊन गुप्तधन मिळवणे

यातच आहे जर समाधान या मुर्खांचे 

याचेच बळी दिले तर होईल ना? 

कल्याण अवघ्या समाज अन् मानवजातीचे