स्त्री
स्त्री
रुप देवाजीचे असे जिच्याठायी
द्वार स्वर्गाचे खुले तिच्या पायी
स्त्रीच्या प्रत्येक रुपात नवलाई
प्रतिमुर्ती ईशाची ती असते आई
लेक असते चैतन्य घराचे
लेक असते सौंदर्य घराचे
लेक असते अभिमान घराचा
लेक स्वाभिमान सासरमाहेराचा
राखीच्या पवित्र धाग्याची ओढ
जगी नाही बहीणभावाच्या नात्याला तोड
सुखदुःखात साथ न सोडी भावाची
नाही येणार सर कुणाला बहिणीच्या प्रेमाची
जीवनसंगिनी सातजन्माची
छाया असते नेहमीच पतीची
हाती घेऊन दोरी कर्तव्याची
शृंखला ठेवी बांधून नात्यांची
स्त्री असते रुप आदिशक्तीचे
कधी रुप ती सौदामिनीचे
प्रत्येक रुपात स्रीला द्या स्थान सन्मानाचे
प्रसंगी देऊन प्राण करा रक्षण स्त्रीशीलाचे