मी सावित्री बोलतेय

ज्योतिबांची सावित्री मी 

साताऱ्याच्या नायगावी जन्मले

घेऊन पावन वसा शिक्षणाचा

सावित्रीच्या लेकींची क्रांतीज्योती झाले

नव्हता गंध मुळी शिक्षणाचा

आवड होती शिक्षणाची परी अज्ञानी मी

ज्योतिबांची साथ म्हणून झाले साक्षर

पहिली स्त्री-शिक्षिका अन् मुख्याध्यापिका मी

सोसले बोल विखारी अन् मारा दगडधोंड्यांचा

शेणाच्या माऱ्यानेही विश्वास परी नाही डगमगला

करण्या साक्षर माझ्या बंदिनी लेकींना 

वसा स्त्रीशिक्षणाचा मी आत्मविश्वासाने घेतला

लेकींनो हरेक क्षेत्रात तुम्ही आहात अग्रेसर

पाहून तुमची प्रगती आहे मी समाधानी

होते ज्योतिबांची सावित्री म्हणून 

करु शकले तुम्हांला साक्षर अन् ज्ञानी