नारी तू नारायणी
नारी तू नारायणी
तोडून बंध जाचक रुढींचे
होऊन आरुढ प्रयत्नांच्या वारुवर
पादाक्रांत केलीस तू शिखरे यशाची
नजर तुझी तुझ्या उज्ज्वल भविष्यावर
होऊन तू लेक सावित्रीची
धरुन सये कास शिक्षणाची
तोडलेस साखळदंड अत्याचारांचे
आस धरलीस मनी स्वप्रगतीची
होऊन जिजाऊपरि धाडसी तू
गगनभरारी हरेक क्षेत्रात घेतेस
स्वबुद्धिच्या जोरावर होऊन रणरागिणी
स्वचातुर्याचे रणक्रंदन तू करते
असशी नारी तू नारायणी
जगताची धैर्यशील स्वामिनी
स्वसंरक्षणासाठी होतेस प्रसंगी
रणचंडिका तू तळपती दामिनी
नारीच्या रुपातली आहेस दुर्गाच तू
असशी जगी तू पूजनीय
करशी धैर्याने मुकाबला संकटांचा
त्रिवार नमन तुजला तू नारी वंदनीय