आनंदानं जगू या

आभास फसवे भोवतीचे तोडू 

खुलेपणाने स्वतःस समजू या 

सुख दुःखाला धैर्याने अनुभवत 

सोबत मिळून आनंदानं जगू या ||१||

दिखाऊ जगणं हव कशाला 

संयमाने यशाची गुढी उभारू या

जे आहे, जसे आहे, आपलं आहे 

आपल्या असण्याचा अर्थ समजू या ||२||

हरवले, दुरावले हेचं तर आयुष्य 

पुन्हा नव्याने आकाश शोधू या

पडले, धडपडले हरकत नाही 

फुलासारखे जगणे फुलवू या ||३||

सूर्यासारखं मावळून पुन्हा 

सूर्यासारखं रोज उदयास येऊ या 

चेहऱ्यावर खुलवून हसू लाडके 

चला आपण आनंदानं जगू या ||४||