आजी आणि नात

आजीसाठी असते नात खरी

जपलेली दुधावरची दाट साय | 

तर नातीसाठी असते आजी 

तिच्या आईपेक्षाही मोठी माय | |१| |

आजी आणि नातीचे म्हणून तर

चांगलेच जुळत असतात सूर |

आजी नातीला होत नाही मुळी

एकमेकांच्या पासून जाताच दूर | |२| |

आजीच्या गोधडीची ऊब तिला

सासरी गेल्यावर राही जाणवत |

तिच्या आठवणींत ती रडल्याचे

विचार मनातही नाही आणवत | |३| |

आजी नात असतात जणू काही 

दर्पण एकमेकींच्या मनातला |

अपतात आदर्श नाते संस्कारांचे

धागा रेशमी चोळीच्या खणातला | |४| |