आजची स्त्री कशी असावी.

प्रश्न एकच अन् उत्तरे मूल्यवान सुचावी

ती आपल आयुष्य संपूर्ण कुटुंबावर वाही

तिच्या सारखा त्याग करणारा दुसरा कोणी नाही 

आयुष्यात वेळोवेळी वेगळी भूमिका तिने घ्यावी

कुटुंबासाठी जगतांना स्वतःसाठीही जगावी

वेगवेगळ्या प्रश्नांना ती स्वतः उत्तर व्हावी

म्हणून आजची स्त्री उत्तराप्रमाणे सत्य असावी

आयुष्यात प्रत्येक कायाद्याची शिकवण तिने घ्यावी

महिलांबाबत असणाऱ्या कायद्याची उत्तरे शोधावी

योग्य शिकवण घेऊन थोडी तर्कवान असावी

म्हणून आजची स्त्री तर्कप्रमाणे सूचक असावी

स्त्रियांसाठी लढायला ती नेहमी तत्पर असावी

इतरही स्त्रियांसाठी द्यावी तिने अचूक ग्वाही

दिलेल्या हक्कांना तिने समजून घ्यावी

म्हणून आजची स्त्री न्यायिक हक्काप्रमाणे योग्य असावी 

अत्याचारच्या विळाख्यात ती अडकलेली नसावी

कायादयाच्या योग्य आधार घेणारी असावी

तिची हिम्मत पाहून इतरांनाही धाडस भरावी

म्हणून आजची स्त्री स्वतः स्वतःसाठी लढणारी असावी 

स्वतःच्या अस्तित्वासाठी ती नेहमी तयारी असावी

वाईट विचारांशी लढून तिने बाजू आपली मांडावी

भूमिका घेत विविध आपली स्पष्टीकरण द्यावी

म्हणून आजची स्त्री ही विचार उलगडणारी असावी

लढण्याच्या बाबतीत ती अहिंसात्मक असावी

शांततेनेही न्याय मिळतो ही सृष्टीची ग्वाही

चुकीला उत्तर म्हणून फुल न्यायदेवतेला वाही

म्हणून आजची स्त्री ही स्वतःशिही न्यायिक असावी

स्त्री अंधश्रद्धेच्या जाळ्यात अडकलेली नसावी

विज्ञान कस काम करत याची स्वतः उत्तरे शोधावी

खरं खोट ठरवणारी स्वतःच स्वतःची न्यायाधीश बनावी

म्हणून आजची स्त्री अंधश्रद्धे विरुद्ध लढणारी विज्ञानवादी असावी 

स्त्री ही पुस्तके वृतपत्रे वाचणारी असावी

जगात काय घडतयं याची जाणीव तिला व्हावी

स्वतः जगाप्रमाणे स्वतःचे विचार तिने मांडावी

म्हणून आजची स्त्री विचारधारी शिक्षित असावी

शिक्षण आहे वाघीनिच दूध ही जगाची ग्वाही

त्यांचप्रमाणे शिक्षित होऊन तिने परिपूर्ण व्हावी

शिक्षनाने कुटुंबाचा उद्धारकर्ता तिच बनावी

म्हणून आजची स्त्री आयुष्य सन्मानाने जगता येईल एवढी शिक्षित असावी 

निर्मळ विचार आणि मन आपला उद्धार वाही

निर्मळ विचारांशिवाय आयुष्याची गोडी कळणार नाही

आपल्याच विचाराने आपल्या कुटुंबाचा उद्धार होई 

म्हणून आजची स्त्री विचाराने निर्मळ असावी 

आपण प्रगती केली तर कुटुंबही सशक्त होई 

स्वतःसाठीच तिने लावून घ्यावी व्यायामाची शाई

ती मजबूत असल्याशिवाय कुटुंब सशक्त होणार नाही

म्हणून आजची स्त्री शारीरिक मजबूत असावी

कर्तव्यापरी शिक्षक दुसरा कोणी नाही

कर्तबगार वृत्तीने तिच्या कुटुंबाचा उद्धारच होई 

कर्तव्य संभाळल्याशिवाय तिची प्रगती होणार नाही 

म्हणून आजची स्त्री कर्तव्यदक्ष असावी

अनुभवासारखा शिक्षक दुसरा कोणी नाही

आणि तो शिक्षक चुकांवरच आपला गुण वाही 

चूका करत तिने स्वतःला अनुभवी बनवावी 

म्हणून आजची स्त्री कुटुंबासाठी अनुभव असावी

कुटुंबातही वेगवेगळ्या विषयांवर चर्चा नेहमी व्हावी

आपल मत विचारताच लगेच उत्तरे तिने द्यावी

प्रत्येक मतांच महत्व तिने कुटुंबात रुजवावी 

म्हणून आजची स्त्री आपल्या मतांवर ठाम असावी 

आयुष्यात अलगत स्वतःचीही भूमिका तिने घ्यावी

 फुलांचा निर्मळपणा घेत तिने निरागस व्हावी

सुंदर जीवनाला हळूहळू उलगडत न्यावी

म्हणून आजची स्त्री ही एका हिऱ्याप्रमाणे अनमोल स्त्रीच असावी.