आग लागते घराला

आग लागते घराला

तेव्हा

जळतो संसार सारा

नात्यांचा पसारा

नि स्वप्नांचा नजारा

ढासळते

आयुष्यभराची मेहनत

आठवणींचे बुरूज

उमेदीची छलांग

नि काळीजनाती

होते स्वप्नांची राख

काजळती मन भांडे

आक्रोशते आभाळ

नि पंचनामा समक्ष

हळहळी कोरडे शब्द

दवापाणी आश्वासन

खूप काही, खूप काही

आग होरपळ जीवाला

आग ही आग असते

घराला, बुद्धीला वा

पोटालाही लागते!

म्हणूनच

सावध असायला हवे

गुलकाडी आगीपासून

सिलगावणाऱ्यांपासून

ते हवा देणाऱ्यांपर्यंत

सदोदीत...