लाइब्रेरी
प्रोफाइल
कुणबी ....
कुणबी ....
1 min
787
पडे कापसा फकडी
तसे ज्वारीस चिकटा
ऊसास लोकरी मावा
देती मता लालनोटा
लागते खताला आग
निघते बियाणे खोटे
पीकांवरी व्हायरस
वायदा नव्याने लुटे
होते वीज गुल कुठे
कोरडा विहीर तळ
आश्वासनांचा पाऊस
भिजेना माती ढेकूळ
असा जेरीस कुणबी
साहेब फिरे थाटात
तुम्ही नेते मोठमोठे
वाढ तुमच्या ताटात
झाला सुनसान गोठा
आले यंत्र हे उशाशी
पिकवणारा उपाशी
तिथे आयता तुपाशी
