लाइब्रेरी
प्रोफाइल
कफनकर्ज
कफनकर्ज
1 min
118
अरे शिक्षण शिक्षण
नको निर्दयी बनूस
ज्ञान कुशीतून तुझ्या
निपजू दे रे माणूस
झाला महाग महाग
शिकवणीचा भारा
माह्या दारी गरिबीचा
दाटे अंधार हा सारा
शिकू कशी मी शाळा
रित्या पोटाचा प्रश्न
कोण चालवी काॅन्व्हेट
कुठे चालतोय जश्न
मुलं हसरे दिसेना
खिसा बापाचा फाटका
असा बाजार मांडला
हमी कायदा लटका
डोयीचे कफनकर्ज
पिढीगणती ना फिटे
निती, न्याय भरवसा
बसला लपून कुठे?
