വെറും നീർക്കുമിളകൾ.

ഇന്നലെയീവഴി വന്നെത്തിയ കാലാവസ്ഥാവ്യതിയാനങ്ങൾ 

എന്നെനോക്കി കണ്ണുരുട്ടവേ, ഞാനൊന്നുമെല്ലെ ചകിതനായ്

ഇന്നിനിയെന്തു ചെയ്യും…. !

മഹാമാരിവന്നു കൊഞ്ഞനം കുത്തവേ നാമെല്ലാവരുംമിപ്പോഴും

കലുഷിതമാം മനസ്സും ചിന്തയുമായ് 

ഈശ്വരനാമങ്ങൾ ചൊല്ലിക്കേണീടും കാലമാണിതെന്നനുമാനിക്കവേ 

നമ്മളിലെല്ലാം മനോഭീതി വന്നു നിറഞ്ഞീടുന്നൂ… !

വന്നിരിക്കുന്നൂ ഗഗനചാരിയാമൊരസുരൻ ബുറൈവി സാഗരചാരെവന്നു

ഗാഗ്വവിളിക്കവേ,പെയ്യുമിപ്പോൾ അതിതീവ്രമാം

മേഘഘനജാലങ്ങൾ കൊണ്ടുപോകും

വെറും നീർകുമിളയാകും മാനുഷകുലജാലത്തിനെ…. !

അതുകണ്ടുംകേട്ടും നമ്മൾ മാനവർ 

തേടുന്നൂ വീണ്ടുമൊരു മേഘവർണ്ണനെ,

പശ്ചിമഘട്ടമാകും വിന്ധ്യനെ എടുത്തുയർത്തുന്നതും കാത്ത 

നീർക്കുമിളയാകാതിരിക്കാൻ,ഒഴുകിപ്പോകാതിരിക്കാൻ,

ഇല്ലായ്മയിലേക്ക്‌ ചെന്നെത്താതിരിക്കാൻ... !