കവിത :- :- വെള്ളരിപ്രാവിന്റെ മൗനം. രചന :- ബിനു. ആർ

കവിത :- :- വെള്ളരിപ്രാവിന്റെ മൗനം. രചന :- ബിനു. ആർ.

കാതോർക്കുന്നു കാലം,കുറുകലുകൾ നിലച്ചുപോയ വെള്ളരിപ്രാവിന്റെ മൗനംതേടി കാടിന്റെ വരൾച്ചയിൽ കോലംകെട്ടുഴറിയ കാടകംനിറച്ച സമാശ്വാസപ്രാവിൻ മൗനംതേടി.

സമാധാനം കൈക്കുമ്പിളിലെന്ന് കണ്ടവർ, സ്വപ്നംകണ്ട വീഥികളിൽ നിണം പരക്കുന്നതു കാൺകേ, മണ്ണട്ട ചിതറിച്ച മൺകൂനകളിൽ മനംമടുപ്പിക്കും രുധിരഗന്ധമറിഞ്ഞു നോവുന്നു.

 യവനകഥയിലെ നായകന്മാർ രുധിരമണത്തിൽ കാലൂഷ്യം പുകയ്ക്കുമ്പോൾ, കേട്ടറിഞ്ഞവർ കാര്യകാരണങ്ങളിൽ സംശയനിഴലുകളാൽ മദജലം തേടി രാവുപകലുകളെ തിരയുന്നു.

-ബിനു. ആർ