STORYMIRROR

Binu R

Abstract

4  

Binu R

Abstract

കവിത :- നഷ്ടപ്പെട്ടസന്തോഷങ്ങൾ രചന :- ബിനു. ആർ.

കവിത :- നഷ്ടപ്പെട്ടസന്തോഷങ്ങൾ രചന :- ബിനു. ആർ.

1 min
0

കവിത :- നഷ്ടപ്പെട്ടസന്തോഷങ്ങൾ രചന :- ബിനു. ആർ.

സന്തോഷങ്ങളെല്ലാം മുഖചിത്രത്തിൽ മാത്രം ഒതുങ്ങിയിരിക്കവേ, മനസ്സിന്റെ അടിത്തട്ടിലെല്ലാം ആരെയും മുഖദാവിൽ കാണാനാകാത്ത വിതുമ്പലുകൾ നിറയുന്നു.

മരച്ചില്ലകളെല്ലാം ഇലകളേതുമില്ലാതെ വരണ്ടുണങ്ങിയതുപോൽ കാറ്റത്തൂയലാടുന്നതുകാൺകെ വേനലിന്നറുതി കണ്ടമ്പരന്നുനിൽപ്പൂ ഞാൻ.

മുതുകിലെ മാറാപ്പിലേന്തി ബാല്യത്തിലെ സന്തോഷമെല്ലാം നഷ്ടപ്പെട്ടപ്പോൾ, കൗമാരം ലഹരിയുടെ മാറാപ്പുമായി ഊരുചുറ്റുന്നതുകാൺകേ, ആരോടും ദയാവായ്‌പില്ലാത്ത യൗവനത്തിന്റെ മടുപ്പുകൾ കണ്ടു നിരാശരാകുന്നു വാർദ്ധക്യം.

അയൽവക്കത്തെ കൂട്ടുചേരലുകൾക്കിടയിൽ മുളപൊട്ടിയിരുന്ന സന്തോഷമെല്ലാം കവർന്നെടുത്തിരിക്കുന്നു ചുറ്റും ആളുയരത്തിൽ പൊക്കിക്കെട്ടിയ മതിലുകളെല്ലാം,അടുത്താരാണെന്നു പോലുമറിയാതെ ഏകാന്തമായിരിക്കുന്നൂ ഓരോ തപ്പും തുടിപ്പുകളും.
-ബിനു. ആർ 


ഈ കണ്ടെൻറ്റിനെ റേറ്റ് ചെയ്യുക
ലോഗിൻ

Similar malayalam poem from Abstract