കവിത :ഒറ്റതിരിഞ്ഞവർ. ബിനു. ആർ.
കവിത :ഒറ്റതിരിഞ്ഞവർ. ബിനു. ആർ.
കവിത :- ഒറ്റതിരിഞ്ഞവർ
രചന :-ബിനു. ആർ.
ബന്ധങ്ങൾക്കൊന്നുംവിലയില്ലാതായി-
യിക്കാലത്തിൽ സ്വപ്നങ്ങളെല്ലാം നെയ്യാൻ മെനക്കെട്ടീടുന്നു ഒറ്റതിരിഞ്ഞുപോയവർ ഓർമകളിൽ കെട്ടുപോയ സ്വന്തങ്ങളെ തിരയാതെയവർ കൈയുംകാലുമിട്ടടിച്ചു പലകാലങ്ങളിലും നെട്ടോട്ടമോടുന്നു...
എല്ലാംകൂടി കൂട്ടിപ്പിടിച്ചു പിൻതലമുറയ്ക്കായ് കിഴികെട്ടിയവർ മുൻതലമുറകൾ കാരണവന്മാർ, ഏകാധിപതികളെന്നു വിലയിട്ടുതഴഞ്ഞു പിരിഞ്ഞുപോയവർ കാണാക്കയങ്ങളിൽപ്പെട്ടു നട്ടം തിരിയുന്നതുകാൺകെ, ആതുരാലയങ്ങളിലിരുന്നു നെടുവീർപ്പിടുന്നു.
കൂട്ടു കുടുംബങ്ങളെല്ലാംപൊട്ടിതകർന്നു
പോയല്ലോ അണുകുടുംബങ്ങളെല്ലാം പൊട്ടിത്തഴച്ചുവളർന്നല്ലോ
ഇമ്പങ്ങളെല്ലാം കാറ്റാടിമരത്തിന്റെ
കാറ്റുപോലെ ഇഴപിരിഞ്ഞു കഴിഞ്ഞുവല്ലോ!
എനിക്കുള്ളതെല്ലാമെനിക്കുമാത്രമെന്നു
നിനയ്ക്കുവോർക്കെല്ലാം വന്നുചേരുന്നു
ഒറ്റപ്പെടലിന്റെ നീറുമോർമ്മകൾ, ആതുരാലയങ്ങളിൽ അവസാനനാളുകളിൽ കൊണ്ടുവച്ചുപടിയിറങ്ങിപ്പോകുന്നൂ
പിൻതലമുറ പിതാവുകാണിച്ചുതന്ന വഴികളിലൂടെത്തന്നെ, പിന്നെയും.
പരിതപിച്ചിട്ടെന്തുകാര്യം കാലങ്ങളെല്ലാം കുഴഞ്ഞുമറിഞ്ഞുവെങ്കിലും കൊണ്ടുവന്നിരിക്കുന്നൂ കൂട്ടുകുടുംബമെല്ലാം ഇമ്പമോടെ അരിയിട്ടുവാഴിക്കുന്നു വീണ്ടും, ശ്വാസനിശ്വാസങ്ങളിൽവിള്ളൽവീഴ്ത്തി-
ക്കൊണ്ടുവന്നെത്തിയ മഹാമാരിയാൽ.
എല്ലാം ഇഴപിരിഞ്ഞുപോയ് പഞ്ഞിപോൽ ബലമില്ലാതായ്,ചിന്തകളിൽ അർബുദം
ബാധിച്ചവർസ്വാർത്ഥത കൊണ്ടുനേടാം പലതെന്നു നിനപ്പവർ,എന്റേതിനുമാത്രം നന്മവേണമെന്നുമോഹിപ്പവർ
ഒറ്റപ്പെട്ടുപോയീടുന്നൂ സമൂഹത്തിലും കുടുംബത്തിലും.
നന്മവേണമെന്നാകിൽ നന്മമാത്രം
ചെയ്തീടണം നിത്യം,കുശുമ്പും കുന്നായ്മകളും
മാറാപ്പുകെട്ടി തൊട്ടിലേക്കുവലിച്ചെറിയണം
ചിന്തകളെല്ലാം ക്രോഡീകരിക്കണം മുഖത്തു,
നിഷ്കളങ്കമായ ചിരിയുടെ ആവരണമിടണം
എല്ലാവർക്കും നന്മവരണമെന്നു മനസ്സിൽ നിരൂപിക്കണം
-
ലോകാ സമസ്താ സുഖിനോ ഭവന്തു -...
-ബിനു. ആർ.
