കവിത :അകക്കണ്ണിലെ നിറപ്പൂവുകൾ. രചന :ബിനു.R

 കവിത :- അകക്കണ്ണിലെ നിറപ്പൂവുകൾ.
രചന :- ബിനു. ആർ.

ചിത്രഗോപുരങ്ങൾ തിമിർത്താടുന്നു സൃഷ്ടിപഥത്തിൻ ത്രികണ്ണിന്നിടയിലൂടെ ചിത്രങ്ങളിൽ കരിപുരണ്ടുമായുന്നു ചിത്രപടത്തിൽവീഴും അഗ്നിവെയിലിനാൽ. സപ്തവർണ്ണവെയിലുകൾ മുഖംപൊത്തുന്നു അകലെ മനനങ്ങളിൽ രുധിരനിറംകണ്ട് അകാരണം നെഞ്ചിന്നെരിപ്പോടുപുകയവെ മനസ്സിൻമാറാപ്പിൽ കരികൾ നിറയുന്നു. നിറനിലാവുകളിൽ സ്വപ്നം കനക്കവെ, അകക്കണ്ണിൽ നിറതിറകളിൽ രക്തംപൂക്കവേ, കാലമെല്ലാം ചിതലരിച്ചമണ്ണുപോൽ കനക്കവേ കലിയുഗബാന്ധവൻ കല്പിതഗണമാകുന്നു. നക്ഷത്രനിമിഷങ്ങളിൽ സിദ്ധന്മാർഉറങ്ങുന്നു നൈമിഷികനേരംപിറക്കും യാമങ്ങളിൽ, ചിന്താവൈരുധ്യങ്ങളിൽ ഭ്രാന്തുകൾപൂക്കവേ ചതിയും ധൃതിയും വൈഡൂര്യം മറയ്ക്കുന്നു. ഇനിയൊരിക്കലും കാത്തുനിൽക്കാനാകാതെ വാനവും വാനരവും അകലങ്ങൾ തേടുന്നു കാണാമറയത്തുള്ളിൽരമിക്കും വടുക്കൾ കാര്യകാരണമറിയാതെ തപിച്ചു നിൽക്കുന്നു. - ബിനു. ആർ -