കവിത :- ഒരു മധുരസ്വപ്നഭംഗം. രചന :- ബിനു. ആർ.

കവിത :- ഒരു മധുരസ്വപ്നഭംഗം.
രചന :- ബിനു. ആർ.

ചിത്രത്തുന്നലുള്ള കംബളത്തിനുള്ളിൽ മൂടിപ്പുതച്ചുകിടക്കുന്നു ഏകാന്തതതൻ കറുത്തയാമത്തിൽ, കുളുർതെന്നലിൽ കാലത്തിൻ രസാഞ്ചനത്തിൽ മുഴുകി.

രാക്കോഴികൾ കൂകുന്നതുകേൾക്കാതെ മിന്നലുകൾ കണ്ണഞ്ചിപ്പിക്കുന്നതുകാണാതെ തച്ചുതകർപ്പൻ ഇടിയുടെയാഘാതമറിയാതെ ഉണർവിന്റെമടുപ്പിക്കുംനേരംപോക്കില്ലാതെ ഉറങ്ങുന്നു ഞാനൊരു സ്വപ്നാടകനെ പോലെ.

ആ രാത്രിമാഞ്ഞുപോകും മുമ്പേ, യേകാന്തതയിലൊരു തെളിനീരോട്ടം കണ്ടു, യെൻ മാനസവാടിയിൽപൂത്തുകൊഴിഞ്ഞു പോയൊരു വീണപൂവിന്മനം കാലങ്ങൾ- ക്കങ്ങേപ്പുറത്തൊരുനടനവഴിയിൽ കണ്ടുമറന്നൊരാസുസ്മേരവദനം.

ചിത്രകഥയിലെ രാജകുമാരിയെപ്പോൽ കമലദളനയനയുദിച്ചുവന്നെന്നോടുമൊഴിഞ്ഞു ആ കായലോരത്തിന്നങ്ങേത്തൊടിയിലാ പവിഴമല്ലിച്ചോട്ടിലല്പനേരം ചെന്നിരിക്കാം പഴങ്കഥകൾ പറയാം കവിതകൾ പാടാം.

അന്നുപറയാനാവാത്ത പലകാര്യത്തിൻ മാറാപ്പു,വഴിയേ തുറക്കാം, ഗദ്ഗദങ്ങൾ പാതിയുമെടുത്തുപിഴിഞ്ഞുണക്കാനിടാ-
മതിലിഷ്ടമെന്നുപറയാനാകാത്ത വാക്കുമാത്ര-
മെടുത്തുകുടഞ്ഞൊന്നു നിൻ തോളത്തുവിരിയ്ക്കാം.

കേട്ടു, അപ്പോൾ മാറുപിളർന്നൊരിടിമുഴക്കം അകലെയേതോലോകത്തുനിന്നും തലയി-
ലൊരു മരവിപ്പുപിളർന്നുവീണു, ഉണർന്നു നിദ്രയിൽനിന്നുമാമധുരസ്വപ്നഭംഗവുമായ്.

ബിനു. ആർ #everyone♥️..