കറുത്ത പൂച്ച
കറുത്ത പൂച്ച
എന്റെ വെളുത്ത ഇട നാഴികളിൽ
കറുത്ത നിറമായ് അവൻ വന്നു
പെട്ടെന്നു എങ്ങോ പോയി മറഞ്ഞു
നട്ടുച്ച വെയിലിൽ ശാന്തമാം കിനാവുകൾ
നെയതെടുക്കുമ്പോൾ
അവൻ വന്നു, ദുശ്ശകുനം
കറുത്ത് ഉരുണ്ട കണ്ണൂകൾ
ക്രൂരതയുടെ പര്യായം
സ്വപ്നങ്ങളിൽ , ലക്ഷ്യങ്ങളിൽ
പകുത്തെടുത്ത ഇടനാഴികളിൽ
അവൻ വന്നു , കറുത്ത നിഴലായ്
വേർപാടിനായി , അല്ലെങ്കിൽ കൂടി ചേരാനായി
തുറക്കുന്ന പടിവാതിലിൽ അവൻ
അതാ …
ധാർഷ്ട്യതയുടെ പ്രതീകം
വെളുത്ത ചായം പൂശിയ ഗേറ്റ് കടന്നവൻ
വെളുത്ത ഗോവണി
കയറി പോയി
അനശ്വരമായ വെൺമയ്ക്കു
കളങ്കം ചാർത്തുവാൻ ..!!!!!!!!!!!!