ശ്രീരാഗം

അങ്ങകലെ ഏഴാം കടലി-

നപ്പുറം നൃത്തമാടുന്നൊരു

വർഷം വിടർന്ന മിഴിയുമാ-

യി കാത്തിരുന്നൊരു കന്യക

തുടിക്കുന്ന ഹൃദയവുമായിയ-

വൾ തേടി ജീവിതത്തിലി-

ന്നോളം അറിയാത്ത പ്രണയ-

ത്തിൻ മധുരം നുണയാൻ.

പെയ്തൊഴിഞ്ഞ ജലകണങ്ങളെ

തട്ടി മാറ്റിയവൾ കണ്ടു

അവൾ തേടിയ അവളെ

തേടിയ ആ മുഖം.

അവൾ കൊതിച്ചവനിൽ

അലിയാൻ അവനെയറി-

യാൻ. ജന്മസാഫല്യത്തി-

നായി വെമ്പുന്നിരുമനവും.

അയാളുടെ നേത്രമൊരു

നേർത്ത ശരമായിയവളിൽ

തറച്ചു. മറുത്തൊരക്ഷരമുരി

യാടും മുൻപെ ശ്രീരാഗത്തിൻ

നിനവിലവരൊന്നായി