നറുനിലാവ്
നറുനിലാവ്
ഈ സായന്തനത്തിൽ ഞാൻ
കാത്തിരുന്നതാരോ അവൾ
ആകാശക്കീറിനുള്ളിൽ പൂർണ -
ചന്ദ്രികയായ് പൂർണാംബുജത്താൽ
ഒളിഞ്ഞു നോക്കുന്നുവല്ലോ.. !
സ്വപ്നമായ് കനച്ചുപോയൊരു
ദിവ്യ ജ്യോതിസ്സാൽ അകക്കണ്ണിൽ
വന്നു നിറഞ്ഞുവല്ലോ... !
കാണാമറയത്തെത്തിയെന്നെ
മോഹിപ്പിപ്പതിനാലും ഞാൻ
കൺനിറയെ കാണ്മതിനായ്
മേഘക്കീറിനുള്ളിലേക്കൊന്നു
വലിഞ്ഞു നോക്കിപ്പോയ്... !
നക്ഷത്രങ്ങൾ വന്നു ചിരിച്ചുനിന്നു
രാപ്പക്ഷികൾ വന്നു കുരവയിട്ടു
തേനീച്ചകൾ ആരവം മൂളിയുതിർത്തു... !
അതറിഞ്ഞു ഞാനും ചമ്മിയ -
ചിരി പുറകിലൊളിപ്പിച്ചു... എൻ
ചിരിയുടെ നർമ്മം നുകർന്ന ചന്ദ്രിക
മേഘക്കീറിനുള്ളിൽ നിന്നു പുറത്തു -
വന്നൂ നറുനിലാവു പൊഴിച്ചു നിന്നു... !