പെഡൽ
പെഡൽ
ഒരു കഥയുമില്ലാത്തവനെന്നാലും
കഥയുണ്ടെന്നകതാരിൽ നിനക്കേകുവാൻ
തളർന്നുപോയെങ്കിൽ ക്ഷണിക്കുന്നു
നിൻ അക്ഷികൾ എൻ നേർക്കതായി
കാൺക കൺതുറന്നു കാൺക
ചവിട്ടപ്പെടുമെൻ ജീവിതയാത്ര
നിൻ കാൽക്കൽ അമരുന്ന നേരത്തും
നിന്നെ മുന്നോട്ട് നയിക്കുവാൻ
കഴിയുമീ ജന്മം ഭാഗ്യമുള്ളതല്ലയോ
മുന്നോട്ടല്ല, പിന്നോട്ടെന്നാലും ചവിട്ടുകിൽ
ഓർക്കുക നിൻ യാത്ര മുന്നോട്ടെന്ന്
കാലനെ കാണുകിൽ സഖിയെ കാണുകിൽ
ലക്ഷ്യമതു കാണുകിലും നിൻ പാദങ്ങൾ
ചവിട്ടുക എൻ നെഞ്ചത്തുതന്നെയല്ലയോ
പരാതിയില്ലെനിക്കിന്ന് വേദനിച്ചാലും
മുന്നോട്ട്, ലക്ഷ്യം കാത്തിരിപ്പു നിനക്കായി.