കവിത:ഒരു സ്വപ്നം.രചന :ബിനു R

ഹാ സ്വപ്നമേ...!

ഈ ചൂടേറും നട്ടുച്ച

നേരത്തു നീയൊരു

സന്ദേശം കൊടുത്തയച്ചു 

ആ തന്വംഗിതൻ കൈവശം.

ആകാശത്തൂടെ

പയ്യാരം പറഞ്ഞവൾ 

എൻ തോളത്തു

വന്നിരുന്നു ചിലമ്പി 

ഒരു ചെമ്പോത്തിൻ

കന്യയാളവൾ. 

ആ സന്ദേശം വായിച്ചു

നൊമ്പരപ്പെട്ടു ഞാൻ,

ഒരിക്കലും ഓർത്തതേയില്ല 

കാത്തതേയില്ല

ഒട്ടും നിരീച്ചതുമില്ല. 

നിന്നെ നൊമ്പരപ്പെടുത്തി-

യെന്ന വരികൾ വായിച്ചു

മോഹാലസ്യം കൊണ്ടു

നൊമ്പരപ്പൂക്കളായ്

എന്നിൽ വിരിഞ്ഞ നേരം, 

ഞാൻ വെയിലേറ്റ 

താമരത്തണ്ടുപോലെ

കുഴഞ്ഞങ്ങനെ 

ഒട്ടുനേരം ഇരുന്നേപോയ്....!