പാദമുദ്രകൾ

നനഞ്ഞ മണൽത്തരികളിൽ

നനുത്ത് അമരുന്നപാദം

തന്നുപോകുന്നൂ കുറേ തപിപ്പിക്കുന്ന

കുഞ്ഞോർമ്മകൾ

വീണ്ടുമാർത്തലക്കും തിരകൾ വന്നു

മായ്ച്ചുപോകുന്നതിൻ

മുമ്പ് അതർത്തോർത്തെടുക്കാം

ഗഗനച്ചാരികളാം ശത്രുക്കളാകും 

വൈറസ്സെന്ന അതിഭീകരരെയെല്ലാം

തടുത്തുനിറുത്തുവാനും

തുരത്തിയോടിച്ചീടാനും

നോയമ്പ്‌നോറ്റിരുന്ന മഹാത്മാക്കൾ

ആയുർവേദസമന്മാർ 

സമരത്തീച്ചൂളയിൽ മാറുപിളർന്നവർ

അരയുംതലയും മുറുക്കി

പടവെട്ടീടുന്നവർ

അതികായൻമാരാകും

കുഞ്ഞാലിമരയ്ക്കാർമാർ

വേലുത്തമ്പിദളവമാർ 

വന്നുപിറന്നൊരിടമീ മണ്ണിൻ

മുക്തിക്കായ്കാണാ-

ചെപ്പിലൊളിച്ചുകടക്കവേ,

ചില രാപ്പാടികളാർത്തു

കരയവേ,

തന്നാലായതും കാൽപ്പാടുകൾ

പാദമുദ്രകളായ് ഭൂമിയിലവശേഷിപ്പിച്ചു

കടന്നുപോയവർ

ജന്മശിഷ്ടമായി നമുക്കു നൽകിപ്പോയവർ

വീരശൂരരാകും പിതൃക്കൾ

നാമാവലികളെല്ലാം പര്യായമായ്

നൽകിയപ്പോയവർ...