കവിത :- അന്ധവിശ്വാസങ്ങളും അഭ്യൂഹങ്ങളും.ബിനു. ആർ.

കവിത :- അന്ധവിശ്വാസങ്ങളും അഭ്യൂഹങ്ങളും.

രചന :- ബിനു. ആർ 

അഭ്യൂഹങ്ങൾ പരക്കുന്നു വിജനമാം

നേർമ്മയിൽ മാസ്മരികതയിൽ

അന്ധവിശ്വാസം കൊടുമ്പിരികൊണ്ടിരിക്കും

വേളയിലല്പവിശ്വാസങ്ങളുടെ ജഢിലതയിൽ

അറിവിന്റെ അല്പത്തരങ്ങളിൽ!

പൊള്ളത്തരങ്ങൾ നിറഞ്ഞു തുളുമ്പുന്നു

പൊടിതട്ടിയെടുത്ത വാണിഭങ്ങളിൽ

പണ്ടില്ലാത്ത കണക്കുകളുടെയറിയാ-

കൂട്ടിക്കിഴിക്കലുകളിൽ പാവമാംമാനവന്റെ

വിശ്വാസകോയ്മരങ്ങളിൽ

പറഞ്ഞുതീരാത്ത വിസ്മയങ്ങളിൽ!

കാലമാം വേദനകളുടെയാത്മനൊമ്പര-

ബന്ധങ്ങളിലലയുന്നു കാണാത്തൊരാ-

ത്മാവിൻ ജല്പനങ്ങളിൽ കുടുങ്ങിക്കാണാത്ത

കാറ്റിന്റെ കനവുപോൽ മന്ദമന്ദം 

കനിവിന്റെ ചിന്തകൾ തിരഞ്ഞുതിരഞ്ഞ്!

മരണമാണുമുന്നിലെന്ന തിരിച്ചറിവിൽ ലോകത്ത് മദനകാമരാജ കഥകൾ കേട്ടുകേട്ട്

മൽപ്പിടുത്തം ചിന്തകളെ കാർന്നുതിന്നവെ 

മരണക്കെണിയിൽ ചെന്നുവീഴുന്നു

വെളിച്ചംകണ്ട ഈയാംപാറ്റകളെപോൽ

ചിറകുവേർപ്പെട്ട വിശ്വാസം!

   ബിനു. ആർ