ജീവിത യാത്ര

പതിവായ് ചിരിക്കുന്ന പാതവിട്ട് 

നാട്ടിലേക്കൊരു യാത്ര 

കൂരിരുളിൻ ഉടയാട ചാർത്തി

മിന്നാമിനുങ്ങുകൾ പാറിപ്പറക്കും വഴിയോരങ്ങൾ...

അനന്തമായ ആകാശത്തിനു താഴെ

ഈ യാത്രയുടെ വേലിക്കെട്ടുകളിൽ

പുതുമുഖങ്ങൾ, പുതു കാഴ്ചകൾ

ഈ മിഴികളിൽ നിറയുന്നൊരു യാത്ര...

ഈ കാറ്റില്‍ നൃത്തം വെയ്ക്കുന്നു 

മധുരമൂറുന്ന യാത്ര അനുഭവങ്ങൾ 

പതിയെ ചെറുകാറ്റടിച്ചാലും 

പടർന്നിറങ്ങുന്നു ആകുലതകൾ...

ഓര്‍മ്മകള്‍ നിറമേകും 

ചിത്രങ്ങളാകുവാന്‍ 

വീണ്ടും തുടരുന്ന യാത്ര

വീണുടഞ്ഞ സ്വപ്ന ദുഃഖങ്ങൾ 

മനസ്സിലേറ്റാതെ തുടരണമീ യാത്ര...!